8 اخطاء لا تفعلها في متجرك الاكتروني

1- انك تبقى عاوز تستهدف كل حاجه في وقت واحد 

مثلا عملت متجر زى امازون وعايز تبيع فيه اى حاجه انت مش زى امازون ف اى حاجه عشان تقدر تنافسها لكن تقدر تنافسها ف حاله واحده انك تشتغل على نيتشات متخصصه جوجل بتحب المواقع المتخصصه حتى لو كان المنافس مين فطالما تخصصت ليك فرصه. على سبيل المثال تعمل متجر اكسسورات هواتف.

2- ان يكون موقعك بطىء 

اى مستخدم بينفر من المواقع اللى بتحمل ببطء ومش بيكمل وبيخرج فلو موقعك مش سريع فمحدش هينتظره

جوجل بتميز المواقع السريعه فبالتالى هتكون تجربه المستخدم رائعه.

3- انك متهتمش بالروابط الداخليه

الروابط الداخليه بتنقل المستخدم  وجوجل لاكتشاف صفحات موقعك فلو مش موجوده المستخدم مش هيوصلها وجوجل هتهملها وبالتالى صفحاتك هينزل ترتيبها.

4- انك تهمل ف تحديد اقسام الموقع الصحيحه

لازم تكون بتحدد اقسام موقعك بعنايه لان البحث مش بيكون على مصطلح واحد بالتحديد مفيش حد عاوز يشتري احذية هيكتب احذيه وبس هيكتب مثلا  احذيه جلديه للاطفال 

عشان كدا لازم تكون محدد لكل حاجه منهم قسم فرعي عشان تكون مقفل كل حاجه تخصها

5- انك متعملش محتوى ف الاقسام

انك تعرض منتجات في كل اقسام موقعك دى حاجه كويسه بس ده الى بيعمله كل مافسينك اتميز عنه بانك تعمل محتوى ف صفحات اقسام متجرك

6- انك تهمل في الميتا ديسكربشن

اهتمامك بالميتا ديسكربشن بيساعد المستخدم انه ينقر على نتيجه موقعك في البحث 

7-بنيه رابط غير السليمه 

في المتاجر الالكترونية استخدم ف الرابط التصنيفات الفرعيه من كل قسم وبلاش يكون ف الرابط حاجه ملهاش لازمه زى category

8- انك تستخدم نفس مواصفات المنتج الاصلية

طبيعي ان المنتج الى ف المتجر مش انت بس اللى منزله ف متجرك يعنى صاحب المنتج الاصلي فبشوف المواصفات هى هى عند الكل فانت اعمل محتوى تعريفي للمنتج مميز يزيد من فرصه ترتيبك